{"id":657,"date":"2021-03-08T21:24:00","date_gmt":"2021-03-08T21:24:00","guid":{"rendered":"http:\/\/bibliotecaprimaria.colexioandersen.es\/?p=657"},"modified":"2024-09-19T09:48:33","modified_gmt":"2024-09-19T09:48:33","slug":"o-bosque-das-mulleres","status":"publish","type":"post","link":"https:\/\/bibliotecaprimaria.colexioandersen.es\/index.php\/2021\/03\/08\/o-bosque-das-mulleres\/","title":{"rendered":"O bosque das Mulleres"},"content":{"rendered":"\n

Dentro do Proxecto Dinamizador Interdisciplinar deste ano, Os bosques, queremos que este d\u00eda achegue outro pequeno xesto, non s\u00f3 a prol da protecci\u00f3n dos nosos bosques, sen\u00f3n de apoderamento da muller.
Todas as mulleres somos valiosas, aprendemos de todas, e todas merecemos ser reco\u00f1ecidas: avoas, nais, fillas e netas.
\u00c9 moi importante que reflexionemos sobre este feito e sexamos quen de percibir a pegada que deixaron e deixan as mulleres nas nosas vidas e, as\u00ed mesmo, amosar o noso agradecemento e o noso reco\u00f1ecemento.
As mulleres somos \u00e1rbores vizosas, azoutadas polo vento da desigualdade e por tormentas de violencia de diversa natureza desde o noso nacemento.
As mulleres convert\u00e9monos en afoutos carballos; somos creativas e capaces de prender en calquera terra, de sobrepo\u00f1ernos \u00e1s dificultades e, con todo, de crear vida.
Neste acto simb\u00f3lico, colocamos os nomes das nosas avoas na base destas \u00e1rbores porque elas simbolizan a orixe, as ra\u00edces; os das nosas nais no tronco sost\u00e9ndonos coa s\u00faa fortaleza, e o noso propio na copa da \u00e1rbore porque sobre as avoas e as nais sustentamos a nosa existencia e a forma de entender o
mundo.
Como as \u00e1rbores, fincamos fondas as nosas ra\u00edces na terra e, non s\u00f3 creamos a vida, sen\u00f3n que a sostemos nos nosos brazos flexibles coma polas e nas nosas costas rexas coma troncos.
Con este acto queremos facer visible a nosa fortaleza e o noso valor. Sen n\u00f3s non ser\u00eda posible!<\/p>\n\n\n\n